Über das Museum
Serbski muzej jo se dnja 3. junija 1994 w starem měsće w Chóśebuzu załožył. Wón pokazujo na połtera lěttysaca słowjańskeje, to groni serbskeje historije w něntejšnej Nimskej. Zakład su zběrki na temy ludowěda, twórjece wuměłstwo, rěc, pismojstwo, literatura, muzika, narodne drastwy a nałogi kaž teke numismatika a postowe stawizny ze serbskego wiźenja ze śěžyšćom na Dolnu Łužycu.
W prědnych dwaźasća lětach wobstaśa jo Serbski muzej dogromadu 88 wósebnych wustajeńcow pśedstajił. Wušej 90 tysac woglědarjow su nalicyli. Wušej togo wiźi se Serbski muzej ako wóźecy muzej za serbske regionalne muzeje regiona. Wót lěta 2006 wudawa muzej pisny rěd "Sorbische Kostbarkeiten / Serbske drogotki". Pśi wšom glěda se na serbsko-nimsku dwójorěcnosć.
Serbski muzej jo kulturna institucija města Chóśebuza a spěchujo se wót Załožby za serbski lud, do kótarejež se dawaju spěchowańske pjenjeze Zwězka a krajowu Sakskeje a Bramborskeje.